Tāofi ‘e Niu Sila le lagolago tau tupe mō le Atu Kuki ‘ona ‘o le so’otaga ma Saina

‘Ua tāofi mo le taimi nei ‘e Niu Sila ana tupe fesoasoani mō le Atu Kuki ‘ina ‘ua sainia ai ‘e le faigāmālō ‘a Le Atu Kuki se pepa ‘o māliliega ma Saina ‘i le ‘āmataga ‘o le māsina nei pei ‘ona saunoa Vaovasamanaia Winston Peters.

‘O lo’o iai le āsiasiga ‘a le Palemia Christopher Luxon ‘i Saina ‘i lana ulua’i āsiasiga āloa’ia.  Na saunoa se so’o’upu ‘a Vaovasamanaia, ‘e le’i talanoa atu Le Atu Kuki ‘i le mālō ‘o Niu Sila ‘e uiga ‘i māliliega na sainia ma ‘e le’i fa’amautinoa atu pē lē ‘ua lamatia vāega nei ‘e manuia ai le atunuu. 

Na toe iloilo ‘e Niu Sila ‘i le tausaga nei lana polokalame ‘o ātīna’e ‘i le Atu Kuki, ‘ona ‘o ia māliliega.

‘I le tolu tausaga ‘ua tuana’i, na fōa’i ai ‘e Niu Sila le lata ‘i le 200 miliona tālā ‘i le Atu Kuki ‘e ala atu ‘i le polokalame ‘o ātīna’e.  Na fa’aalia ‘e le so’o’upu, ‘o le ‘ā lē iloiloina ‘e le mālō ni vaegātupe fou tetele se’ia fa’atino ‘e le Faigāmālō ‘a Le Atu Kuki ni la’asaga mautū ‘e toe fa’aleleia ai lo lā so’otaga ma toe fa’afo’i ai le tūlaga fa’atuatuaina.

Link to RNZ Pacific (Article) translated: https://www.rnz.co.nz/news/political/564578/new-zealand-halts-cook-islands-funding-in-stoush-over-china

ATA: RNZ/Pacific Islands Forum