Popole tagata Pāpua Niu Kini ‘i Sisifo ‘i le fa’aauau pea ‘o sāuaga ‘a Indonesia

‘Ua līpotia mai le fa’apopoleina ‘o tagata ‘o Pāpua ‘i Sisifo, ‘i le ono fa’atetele ‘o sāuaga ‘a le fitafita ‘a le Mālō ‘o Indonesia ‘i pūlega ‘a le Peresetene fou ‘ua tōfia ‘o lea Mālō.‘O le Aso Sā lea na āloa’ia ai ona sē’ei ane ‘i le tofi Peresetene ‘o le Mālō Indonesia, le ali’i ‘e igoa iā Prabowo Subianto,’o sē tasi ‘o ta’ita’i ’au sāuā sā iai ‘o le vaegā’au ‘a Indonesia.

‘O Pāpua ‘i Sisifo ‘e pei ona silafia, ‘ua tele tausaga ‘o tūla’i mai ai vevesi ‘i le vā ‘o tagata tōtino ‘o lea vāega ‘o Pāpua ma Niu Kini ma fitafita ‘o le Mālō Indonesia. ‘O se vāega ‘o lo’o fīnau ona tagata ‘ina ‘ia tūma’oti mai pūlega ‘a Indonesia.

‘O le tausaga ‘e 1969, lea na āloa’ia ai ona ‘avea le ītū ‘i Sisifo ‘o Papua ma Niu Kini ma vāega ‘o Indonesia, ‘e ‘auala ‘i se pālota fa’apitoa po’o se referendum sā fa’atūlagaina ‘e Mālō ‘Au Fa’atasi.

Link to RNZ (Article) translated by Lauano Ati Ilaoa: https://www.rnz.co.nz/international/pacific-news/531462/prabowo-s-presidency-sparks-fear-and-faint-hope-in-indonesia-s-restive-papua

ATA:  Achmad Ibrahim/AP Photo – Indonesia’s newly-inaugurated President Prabowo Subianto, second right, walks with his predecessor Joko Widodo, right, during their handover ceremony at Merdeka Palace in Jakarta, Indonesia, 20 October 2024.