Matuā āfāina Pasifika ma Māori ‘i le kānesa ‘o le manava

‘Ua fa’aalia ‘e Dr Cherie Blenkiron, ‘o se saienitisi ‘i le Iunivesitē ‘o ‘Aukilani, ‘ua fa’ailoa ‘i su’esu’e’ga, ‘o se tasi ‘o māfua’aga ‘ua ‘o le kānesa ‘o le manava po’o le womb cancer, ‘ona ‘o le maualuga atu ‘o le mamafa ‘o le tino fa’apea ai ma gasegase ‘o a’afia ai ‘e pei ‘o le suka (diabetes). 

Na si’itia le nūmera ‘o tagata gasegase ‘i lea fa’afītāuli ‘i totonu ‘o Niu Sila, mai le 600 ‘i le sefulu tausaga talu ai, ‘i le tusa ma le 750 ‘i le tausaga.

‘E iai nisi ‘o tinā ma tama’ita’i Pasefika ma Māori ‘e pito maualuga ai le kānesa ‘o le manava po’o le vāega ‘o le tōtoga ‘o le tinā lea ‘e teu ma fa’afailele ai le pepe.  Na fa’aalia ‘e le ‘au su’esu’e, ‘ua o’o lava ‘i tinā talavou ‘i Niu Sila, ‘ua a’afia ‘i lenei kānesa ma ‘e tele ‘i tupu ‘i tinā ma tama’ita’i mai le 30 āga’i ‘i le 40 tausaga le mātutua, ‘aemaise lava ‘i Māori ma Pasifika.

Ui ‘i lea na tā’ua ‘e Dr Blenkiron, ‘o se itū’āiga kānesa ‘e mafai ‘ona ‘ave’esea pe ‘ā fai ‘e vave ‘ona maua.  ‘Ua silafia lelei lava ‘e le tagata lona tino ma ‘ua fautuaina ai ‘e Dr Blenkiron tama’ita’i, ‘e mafai ‘ona vave faia le fuafuaga pe ‘ā fa’alogoina ‘ua iai nisi āuga, ‘e vave loa ‘ona togafitia, ‘ona ‘o le itū’āiga kānesa, ‘e faigōfie ma vave lava ‘ona togafitia ‘e ala ‘i ta’otoga po’o ni fuāla’au. 

Link to RNZ Pacific (Article) translated: https://www.rnz.co.nz/international/pacific-news/564503/womb-cancer-really-hitting-the-pacific-and-maori-communities-nz-biologist-says

ATA: RNZ