Folasaga ‘o le Our Whare Our Fale ‘i Harvard

‘O le māsina ‘o ‘Aperila ‘o le tausaga nei, na faia ai se folasaga ‘a le Central Pacific Collective (CPC) ‘i le Graduate School of Design ‘a le Iunivesitē ‘ Harvard ‘e fa’atatau ‘i la lātou polōketi ‘o le Our Whare Our Fale, lea ‘o lo’o fauina ai ni fale ‘ina ‘ia mafai ‘ona maua ni fale taugōfie ma ‘avea ma a lātou lava meatōtino, mō ‘āiga Pasefika ‘i Porirua.  ‘O lea polōketi pei ‘ona lausilafia, ‘o lo’o ta’ita’ia ‘e le CPC, ‘ae faipā’aga ai ma le Te Rūnanga o Toa Rangatira ma le Matāgāluega mō Tagata Pasefika.

Na folasia atu ‘e le Central Pacific Collective ‘i Harvard pe na fa’apēfea ‘i la lātou faigāpā’aga ma ni fuafuaga fa’atū ma aga Pasefika, ‘ona maua ai ni avanoa sili atu ‘ona lelei mō ni fale mō le mafutaga ‘o tagata Pasefika.  Na o lātou fofola atu ai fo’i le lu’itau ‘e fa’apea ‘o le tali ‘i le fa’afītāuli ‘o le lē lava ‘o fale ‘i le lalolagi, lea ‘ua ‘i lima ‘o mafutaga Pasefika mō augātupulaga ‘e tele. 

Na molimauina le pātipatia ma le vī’ia ‘e le Harvard GSD ‘o le polōketi, ma tā’ua ai ‘e fa’apea, ‘ua fa’aali manino ‘e le Central Pacific Collective le tāua ‘o tūlaga mātagōfie ‘o le vā fealoa’i fa’ale’āiga (kinship) lea ‘ua mafai ‘ona ta’ialaina ai ni polōketi mō fale.

Link to Ministry of Pacific Peoples (Press Release): https://www.mpp.govt.nz/latest-news/our-whare-our-fale-takes-the-stage-at-harvard/

CAPTION: CPC CEO Fa’amatuainu Tino Pereira & CPC Director Community Regeneration, Masterplanning & Design Elyjana Roach
IMAGE/ATA: Supplied.