Fia o’o ‘i ‘āiga tagata Vanuatu faigāluega fa’avaitaimi

‘Ua fia o’o ‘i ‘āiga tagata faigāluega fa’avaitaimi mai Vanuatu sā gālulue ‘i fa’ato’aga ‘i Niu Sila, ‘o lo’o poloka ‘i Fiti ‘ona ‘e le’i toe ‘āmataina femalagāa’iga ‘i lo lātou atunu’u talu mai le mafui’e.  Na tā’ua ‘e fa’apea ‘e ono tāpunia pea le Malae Va’alele Fa’avāomālō ‘i Bauerfield se’ia aulia le Aso To’ona’i.

‘Ua līpotia ‘e fa’apēnā fo’i le tūlaga ‘o lo’o a’afia ai tagata faigāluega fa’avaitaimi Vanuatu ‘i ‘Ausetālia ‘ona sā muamua lava ‘i le fa’alauiloaga ‘o le tāpuniga ‘o malaga mō Vanuatu.  Na līpotia ‘e se tasi ‘o tusitala ‘a le Leitiō Niu Sila ‘i le Pasefika, le silia ma le 80 ‘o tagata faigāluega na tau fa’atūlaga a lātou faletalimālō ‘e nonofo ai ‘i Nadi ‘i Fiti.  Sa līpotia fo’i ‘e fa’apea ‘o le to’atele ‘o ‘i lātou nei, ‘e le’i maua lava ni feso’ota’iga ma o lātou ‘āiga, mā ‘e le’o māiloa po’o saogalēmū.

Link to RNZ (Article) translated by Savelina Kasiano: https://www.rnz.co.nz/news/pacific/537078/stranded-workers-desperate-to-get-home-to-their-families-in-quake-stricken-vanuatu

ATA: RNZ Pacific/Koroi Hawkins