Feiloa’i atu Sāmoa ‘i le Afioga ‘iā Vaovasamānaia Winston Peters ‘i le Mau ‘o le Sitiseni ‘a Sāmoa 1982

‘O le Aso Faraile ‘i le Fale ‘o Sāmoa ‘i ‘Aukilani ‘i Māgele na feiloa’i atu ai tagata Sāmoa ‘i ‘Aukilani ma le Afioga ‘i le Sui Pālemia ‘o Niu Sila, Vaovasamānaia Rt Hon. Winiston Peters ma le vāega fa’a’upufai ‘a le New Zealand First, ‘auā le matā’upu ‘e uiga ‘i le Mau ‘o le Sitiseni ‘a Sāmoa 1982.

‘O lenei fa’amoemoe na taulāmua ai le Mafutaga Faife’au So’ofa’atasi ‘i ‘Aukilani, le Fonofaufauta ‘a Sāmoa, ta’inane nisi ‘o fa’alāpotopotoga ‘i le ‘aai tele. ‘O lenei fa’amoemoe ‘o se avanoa na momoli atu ai le talosaga ‘a Sāmoa, ‘auā Vaovasa ma lana vāega, ‘ina ‘ia iai pea le lagolago ‘i lea tūlāfono taufa’aofi, ‘e o’o atu ‘i le faitauga lona lua fa’apea le tolu ‘e pei ‘ona āga’i iai le fa’atōfāla’iga ‘a le Palemene ‘o Niu Sila ‘i lenei taimi.

Sā saunoa Vaovasamānaia, “we are going to do right for Sāmoa.” ‘O lona uiga, ‘o le ‘a taumafai Vaovasa ma lana vāega ‘e faia le mea tonu ma le sa’o mo tagata Sāmoa.

Link to RNZ (Article) translated by Murray Faivalu: https://www.rnz.co.nz/international/pacific-news/526653/we-are-going-to-do-right-for-samoa-winston-peters-on-citizenship-bill

ATA: RNZ Pacific / Grace Tinetali-Fiavaai, Journalist
(Video re-shared by SCR on Facebook & YouTube)
RNZ partnership with Sāmoa Capital Radio