Fa’amaonia ‘e Leoleo ‘a Fiti pauta ‘o’ona ‘i ni āfīfī se 76 na tāfefea

Na fa’aalia ‘e leoleo ‘a Fiti, ‘e 76 le aofa’iga ‘o ni āfīf na maua, ‘ua fa’amaonia le iai ‘o le pauta ‘o’ona ‘o le cocaine.  ‘O ia āfīfī na maua ‘i Lau Group, Qamea, Kakavum ma Beqa.  ‘O lo’o gālulue felāta’i leoleo ‘a Fiti fa’apea ma ‘Ausetālia ‘e su’esu’e po’o fea na ‘auala mai ai ia āfīfī.

Na o’o atu leoleo Savusavu ‘i Vanua Levu ‘i le Aso Lua ‘o le vāiaso talu ai, ‘e su’esu’e se pusa pa’epa’e na iai lo lātou talitonuga ‘o ni fuāla’au fa’asāina, ma na maua lea pusa ‘ina ‘ua tafea āga’i ‘i le motu ‘o Namena.  Na fautuaina le atunu’u ‘ina ‘ia fa’afeso’ota’i vave leoleo pe ‘ā maua ni āfīfī fa’apea, ‘ina ‘ia ‘aua ne’i ‘i lima ‘o ē ‘o lo’o fa’amoemoe ‘i ai ia fuālā’au fa’asāina. 

Link to RNZ (Article) written by Christina Persico, RNZ Pacific Senior bulletin editor: https://www.rnz.co.nz/news/pacific/707615/fiji-police-confirm-76-washed-up-parcels-tested-positive-for-cocaine

IMAGE/ATA: SCR (file).