Fa’amāgalo aloā’ia George Speight ‘o lē sā ta’ita’ia le fouvale ‘i le Mālō Fiti ‘i le 2000

‘I se līpoti mai Fiti, na tā’ua ai le fa’amāgaloina lea ‘i se Poloā’iga fa’apitoa mai le Peresetene ‘o lea atunu’u, ‘o le ali’i ‘o George Speight, lea sā ta’ita’ia le fouvale ‘e fa’asaga ‘i le faigāmālō ‘a Fiti ‘i le tausaga ‘e 2,000.

‘O lea lava fa’amāgaloga ‘ua fa’apea fo’i ‘ona faia ‘e le Peresetene ‘o Fiti, mō le ali’i ‘e igoa ‘iā Shane Stevens, sā ‘avea ‘o se tasi ‘o le fitafita po’o le vaegā’au ‘a Fiti, ‘ae sā ia ta’ita’ia le tete’e ‘a se vāega ‘o le fitafita ‘e fa’asaga ‘i le pūlega ma le ta’ita’iga ‘o le vāega’au ‘a lea atunu’u ‘i le taimi ‘o le vevesi lea fa’aupufai’omālō ‘i le tausaga ‘e 2,000.

‘O le aso 18 ‘o Sētema lea na aloā’ia ai lea fa’amāgaloga, ‘ae ‘o le asō na tatala ai loa ‘i lātou na a’afia, ‘ua māgalo mai o lātou fa’asalaga sā taofia ai ‘i totonu ‘o le falepuipui.

Link to RNZ (Article) translated by Lauano Ati Ilaoa: https://www.rnz.co.nz/international/pacific-news/528473/fiji-coup-leader-george-speight-granted-presidential-pardon

ATA: Fiji coup leader George Speight / AFP / TORSTEN BLACKWOOD (RNZ).