Filifilia le Failautusi Aoao fou ‘o Mālō ‘o le Taupulega ‘a Peretānia (Commonwealth)

‘O le tama’ita’i Minisitā ‘o le Vā ‘i Fafo ‘o le Mālō ‘Aferika ‘e igoa ‘o Ghana, lea ‘ua filifilia ‘i le tofiga ‘o le Failautusi Aoao ‘o Mālō ‘o le Taupulega, po’o le Commonwealth.

‘O le Failautusi Fou lenei, ‘o le tama’ita’i ‘e suafa ‘iā Shirley Ayorkor Botchwey, ‘ua suitūlaga atu ‘o ia ‘i le tama’ita’i Peretānia ‘o Baroness Patricia Scotland, ‘o se tasi na soifua a’e ‘i le atunu’u ‘o le Dominican Republic ma sā ‘avea fo’i ma faipule ‘o le mālō Peretānia tele, mā na ‘āmata ‘ona ‘avea ma Failautusi Aoao ‘o le Taupulega mai le tausaga ‘e 2016.

‘O lea filifiliga ‘a sui ‘āuai ‘e 56 ‘o Mālō ‘o le Taupulega, na fa’ailoa mai ‘i le Aso Toonai na te’a nei, le aso fa’ai’u ‘o lana fonotaga tele lea sā talimālō ai Sāmoa.

ATA: Sāmoa ChOGM 2024 – ChOGM Communications Team