‘Ua fa’ailoa fa’alaua’itele le tapu ‘a le mālō ‘e lē toe fa’atagaina ai le fa’aulufale mai ‘i le atunu’u ‘o ‘oloa ‘e gaosi mai lagomeli

‘Ua tali mai le mālō ‘e ala ‘i se pepa ‘o fa’amatalaga ‘ua fa’asalalau fa’alaua’itele ‘e tali atu ai ‘i atugaluga ‘a le ‘aufaifa’ato’aga ‘o le honey ‘i totonu ‘o le atunu’u, ‘i le salalau solo ai ‘i le lalolagi le taofia lea ‘o le toe fa’atauina ‘o ia ‘oloa ‘i luga ‘o fata ‘a so’o se fale’oloa talu ai se fa’ama’i ‘o lo’o fe’avea’ia ‘e lagomeli ‘i nisi ‘o atunu’u ‘o le lalolagi.

‘O le popōlega ‘i le ‘aufaifa’ato’aga ‘o le honey ‘i le atunu’u, ‘e ono sao mai ‘i totonu ‘o Sāmoa lenei fa’ama’i ‘e ‘auala mai ‘i fagu ‘o ‘oloa ia ‘o lo’o fa’atauina mai ‘i atunu’u ‘i fafo. ‘Ua fa’amālosia ai nei le fa’asilasilaga mai le Matāgaluega ‘o Fa’ato’aga ma Faigāfaiva mo pisinisi ma fale’oloa ‘uma ‘i totonu ‘o le atunu’u, ‘ua fa’amamaluina le tapu ‘o le toe fa’aofiina mai lea ‘o ia ‘oloa ‘i a lātou ‘oka mai atunu’u ‘i fafo se’ia iai se aso.

‘O lo’o fa’atauina lava a tātou honey mai a tātou faifa’ato’aga ‘i Sāmoa nei, ‘e lē gata ‘o ‘Upolu ‘ae ‘o le motu tele ‘i Salāfai lea ‘o lo’o to’atele ai ‘i lātou ‘o lo’o gaosia lea ātīna’e, ma ‘o lo’o fa’atauina ai le fagu honey ‘i le size ‘o le fagu pito ‘i la’iitiiti ‘o le peanut butter ‘i le $60.

IMAGE/ATA: Biosecurity Sāmoa Facebook