Tolopō ‘iā Fepuari 2027 le vala’auina ‘o le matā’upu fa’asaga ‘i le Afioga ‘i le Palemia

‘E 20 molimau lea ‘ua fa’amaonia ‘ua māe’a ‘ona fa’atautōina fa’aletūlāfono, ‘ua ‘atofaina ‘e le fa’amasinoga ‘i le māsina ‘o Fepuari 2027, ‘e vala’au ta’ito’atasi ai ‘i lātou ‘i luma ‘o le fa’amasinoga, ‘i le matā’upu ‘o lo’o tu’ua’ia ai le ta’ita’i ‘o le atunu’u, La’auli’alemālietoa Polata’ivao Fosi Schmidt. ‘O nei moliaga ‘e aofia ai lona fa’aaogāina ‘o ‘upega tafa’ilagi ‘e fa’a’auala atu ai ni fa’amatalaga taufa’asesē.

‘O moliaga na āfua mai ‘i ni tagi ‘a ali’i leoleo se to’alua, ‘ātoa ai ma se faipisinisi Sāmoa ‘e fa’amautū ‘i ‘Ausetālia. ‘O se matā’upu ‘ua fa’ase’e atu ‘i le Fa’amasinoga Maualuga ‘ina ‘ua lē mafai ‘ona tau’ave ‘e le Fa’amasinoga Fa’aitūmālō ‘ona ‘o so’otaga ‘i fa’amasino, āga’i ia ‘i lātou ‘o lo’o fa’auluulu ‘iai lea matā’upu.

Peita’i na fa’amanino ‘e Fepulea’i ‘Ameperosa Roma, ‘e le’o fa’amalieina le talosaga na tu’uina atu ‘i itū ‘ua fa’aalia, ‘ua lē mafai ai ‘ona taulimaina ‘e le Fa’amasinoga Fa’aitūmālō le matā’upu. Peita’i ‘ua fa’amautūina le aso ‘e fa’agāsolo ai ‘i le māsina ‘o Fepuari.

IMAGE/ATA: Murray Faivalu