Filifilia ‘e le Kapeneta Lealali Faleto’ese ‘Asaua ‘e ‘avea ma ‘Ōfisa Sili fou ‘o le SNPF

‘Ua suia nei le ‘Ōfisa Sili ‘o le pūlega ‘o Fa’aputugātupe mo le Lumana’i Manuia ‘o Tagata Sāmoa ‘i le NPF, ‘ina ‘ua māe’a le fonotaga ‘a le kapeneta ‘i le vaiaso ‘ua mavae, ma suia ai le faletua ‘ia Lemalu Selesitina Meni ‘i le susuga ‘ia Lealali Faleto’ese ‘Asaua mo leisi 3 tausaga.

‘O le Lealali ‘o se tamāli’i ‘ua loa lana tautua ‘i le vāega ma’oti ‘o tupe, ‘e lē gata ‘o totonu ‘o Sāmoa ‘ae sa fa’apena fo’i ‘ona galue ‘i le itūlagi ‘o le pasefika, ma nisi ‘o fa’alāpotopotoga fa’avā ‘o mālō ‘i le lalolagi ‘i le lata ‘i le 30 tausaga. ‘O lo’o ia ‘ūmia fa’ailoga taualoa ‘e aofia ai le matua ‘o faiva, ‘o le fa’afoeina ‘o pisinisi mai le Iunivesitē ‘o le Pasefika ‘i Saute ‘i Fiti, fa’atasi ai ma le tikerī fa’alōia ‘i le Iunivesitē ‘o le Pasefika ‘i Sāmoa nei. ‘E lē gata ‘i lea, ‘e aofia ai ma le tikerī ‘o le fa’apisinisi mai le iunivesitē ‘o Victoria ‘i ‘Ausetālia, ma ‘o ia fo’i ‘o se tausi tusi āloa’ia ma ‘o le sui fo’i ‘o le fa’alāpotopotoga su’e tusi ma tausi tusi ‘a Sāmoa.

IMAGE/ATA: Murray Faivalu