‘E lē toe tolopōina le lauina ‘o fa’ai’uga ‘a ‘i lātou ‘e to’a 50 na lē usita’ia le poloa’iga ‘a le fa’amasinoga

Mai ‘i le fa’amasinoga, ‘o le asō lea ‘o le ‘a tōlaulau ai le fa’ai’uga ‘o molimau ‘e to’a 50 ‘e le’i o’o ane ‘i le fa’amasinoga ‘i le taimi na vala’au ai le matā’upu ‘a le itūmālō ‘o Faleālili 1. Ma ‘o le asō fo’i, ‘o le ‘a mata’itūina ai ‘e fa’amasino molimau ‘e 4 ia ‘ua ‘uma ‘ona samania, ‘e le’i o’o ane ‘i le vala’auga muamua.

‘Ua fa’ailoa ‘e fa’amasino ‘e lē toe tolopōina lava le lauina ‘o fa’ai’uga ‘a ‘i lātou nei, ‘e fa’ataunu’uina lava ‘i le asō. Toe pau lea ‘o vāega ‘o matā’upu ‘e feso’ota’i atu ‘i le tagi na tu’uina atu ‘e le sui tauvā ‘ia Tuiloma Lance Lāmeko, ‘e fa’asaga ‘i le Afioga Toelupe Poumulinuku ‘Onesemo mai ‘i le faigā pālota ‘a lo lātou itūmālō ‘o Faleālili 1.

IMAGE/ATA: Nessani Lam Sam