‘Auai le Afioga ‘i le Palemia ‘i fonotaga ‘i ‘Ausetālia ‘i le matā’upu ‘i le lōketi fa’atonutonu alu mamao ‘a Saina

‘O lo’o fa’atasi atu le Afioga ‘i le Ta’ita’i ‘o le atunu’u ‘i ‘Ausetālia ‘i se tasi ‘o fonotaga ‘o lo’o fa’atautaia ma le Palemia ‘o le mālō ‘o ‘Ausetālia, ma nisi ‘o Palemia mai atu motu ‘o le pasefika.‘O se fonotaga ‘o lo’o tulimata’ia ‘e le to’atele, ‘o se tasi ‘o matā’upu ‘i le lōketi fa’atonutonu alu mamao ‘a le mālō ‘o Saina na fana mai mo ana fa’ata’ita’iga āga’i ‘i ōgāsami ‘o le pasefika.

‘E le’i mafai ‘e le mālō ‘ona tali mai ‘i le taimi nei ‘e fa’atatau ‘i le matā’upu, ‘ae mulimuli ane, ‘na fa’ailoa ‘e le Afioga ‘i le Sui Palemia Mulipola ‘Anarosa ‘Ale Molio’o, ‘o le ‘a tali mai le mālō ‘e ala ‘i se pepa ‘o fa’amatalaga ‘i se taimi mulimuli mai.

IMAGE/ATA: Anthony Albanese Instagram