Silasila le Matāgaluega ‘o Leoleo ‘e toe iloilo faiga fa’avae ‘o le fa’alauiloaina ‘o suafa, ata ‘i osofa’iga ‘i fuālā’au fa’asāina

‘Ua silasila le Matāgaluega ‘o Leoleo ‘e toe iloilo le faiga fa’avae ‘o le fa’alauiloa lea ‘o ata, suafa ma āfio’aga ‘o ‘i latou ‘e maua mai ‘i osofa’iga ‘a leoleo ‘i fuālā’au fa’asāina.

‘O atugaluga na fa’aalia ‘e nisi ‘o lōia sīnia ‘i le atunu’u, ‘ua fa’atupu manatu ‘i le Sui Komesina ‘o le Matāgaluega ‘o Leoleo ma le matāgaluega. ‘I le feiloa’iga talu ai nei ‘a ‘ōfisa fa’asalalau ma le afioga ‘i le Sui Komesina ‘o le Matāgaluega ‘o Leoleo, Leiātaua Samuelu ‘Afamasaga, pei ‘ona fa’asalalauina fo’i ‘e le TV1 ‘a le atunu’u.

‘E manatu le lōia sīnia ‘ia ‘Unasa Iuni Sāpolu ‘e solitūlafono le gaioiga lenei ‘a le matāgaluega, ‘ona ‘o se tama’ita’i na fa’alauiloa lona suafa, ‘o tausaga, lona āfio’aga ma lona ata, ‘ae na toe soloia ‘e le fa’amasinoga ‘i le lē fa’amaonia ‘o moliaga sa tu’ua’ia ai.

IMAGE/ATA: SCR (file).