‘Ua tu’uitiitia ‘aitālafu ‘a Sāmoa ‘ia Iāpani ma Saina

‘Ua fa’amauina le tu’uitiitia ‘o ‘aitālafu ‘a Sāmoa ‘i le mālō ‘o Iāpani ma Saina, na fa’amauina le o’o mai ‘i le māsina ‘o Mati ‘o le tausaga lenei, ‘e $200.5 miliona ‘aitālafu ‘a Sāmoa ‘i le mālō ‘o Saina, ma ‘ua fa’amauina ai le 15.5% ‘ua tu’uitiitia ai lea ‘aitalafu ‘a Sāmoa.

‘O Iāpani ‘e $51.1 miliona, ‘ua fa’aitiitia ‘i le 16.4%. ‘Ae ‘o le ‘aitālafu ‘a le mālō ‘i totonu lava ‘o Sāmoa, ‘ua fa’aitiitia ‘i le $50.2 miliona.

‘O le aofa’iga ‘o le ‘aitālafu ‘a le tatou atunu’u ‘ina ‘ua o’o mai ‘i le māsina ‘o Mati ‘e $699.5 miliona, tusa ‘ua 9.9% ‘ua tu’uitiitia ai pe’ā fa’atusa atu ‘i le kuata muamua ‘o le tausaga ‘ua mavae.

IMAGE/ATA: SCR (file).