Si’itia le totogi mauālalo ‘i le māsina ‘o Iulai 2026-2028

‘O le māsina ‘o Iulai 2026, ‘o le ‘a si’itia ai le totogi mauālalo po’o le minimum wage ‘i le WS$5.24.

‘O Iulai 2027, ‘o le ‘a si’itia ai ‘i le WS$5.65. ‘Ae ‘o Iulai 2028, ‘e o’o atu ai le si’itaga ‘i le  WS$6.05.

‘O le totogi mauālalo ‘i le taimi nei, ‘o lo’o iai ‘i le WS$4.84.

Na saunoa le Afioga ‘i le Ali’i Palemia, le Susuga ‘i le La’aulialemalietoa Polata’ivao Fosi Schmidt ‘i le feiloā’iga ma tusitala ‘i lenei vaiaso, ‘ua māe’a pāsia lenei fa’asolosologa ‘o totogi ‘e pito sili ‘ina mauālalo ‘e le Kapeneta ‘i lana fonotaga ‘o le Aso Lulu 13 ‘o Mē.

ATA: Savali Newspaper.