Fa’afetaia le tautua īloga ‘a Tuilaepa mō le Lakapī Sāmoa; fa’amāvae ‘i le sīlia ma le 26 tausaga ‘o Ta’ita’ifono

‘Ua fa’ailoa aloā’ia ‘e le Lakapī Sāmoa le fa’amāvaega ‘a le Afioga ‘i le Ta’ita’ifono ‘o le Komiti Fa’atonu, le Susuga ‘iā Tuilaepa Dr. Sailele Malielegaoi ‘i le māe’a ai ‘o le sīlia ma le 26 tausaga ‘o lana tautua ‘ua īloga mō le iuni lakapī ‘a le atunu’u.

‘I se pepa ‘o fa’amatalaga mai le Lakapī Sāmoa, na tā’ua ai, “na ‘amata ‘auai atu le Susuga ‘iā Tuilaepa ‘I le Komiti Fa’atonu ‘a le Lakapī Sāmoa ‘i le tausaga 1991, ma mulimuli ane ‘avea ma Ta’ita’ifono mō le sīlia ‘i le 26 tausaga, mā ‘e īloga lona ta’ita’ia ‘o le iuni, ‘i se vaitau tāua ‘i le ātina’eina ‘o le ta’aloga ‘o le lakapī ‘i le atunu’u.

Over more than three decades of service to Lakapi Samoa, including his long tenure as Chairman, Tuilaepa has been a steadfast supporter of the game and a prominent figure in the governance of rugby in Samoa. His leadership spanned a significant period in the Union’s history, during which Samoan rugby continued to strengthen its presence on the international stage while maintaining its deep roots within communities across the country.

Na fa’ailoa ‘e le Ta’ita’ifono lē tūmau (Interim Board Chair), ‘o le Peresetene fo’i lea ‘o le iuni lakapī ‘i lenei taimi, le Afioga ‘iā Namulauulu Papali’i Leota Sami Leota, le agaga fa’afetai ‘i le Afioga ‘iā Tuilaepa, mō le tele ‘o nei tausaga ‘o lana tautua ‘i le pūlega ‘o le lakapī ‘i Sāmoa. Mā ‘o le ‘a taumafai pea le iuni, ‘e fa’aauau galuega lelei sā taulāmua ai lea tamāli’i ‘i le tele ‘o tausaga.

ATA: Supplied / Lakapi Samoa