Toe tōfia le tinā Polōfesa ‘iā Tuifuisa’a Patila Amosa ‘i le ‘Ōfisa Sili ‘o le Pūlega ‘o le Iunivesitē Āoao ‘o Sāmoa

‘Ua fa’ailoa se tasi ‘o fa’ai’uga ‘a le kapeneta ‘i lana fonotaga ‘o le Aso Lulu ‘o lenei vaiaso, ma ‘ua toe tōfia ai le tinā Polōfesa ‘iā Tuifuisa’a Patila Amosa ‘e fa’aauauina pea mō le isi 3 tausaga ‘i le tōfiga ‘o le ‘Ōfisa Sili ‘o le Pūlega ‘o le Iunivesitē Āoao ‘o Sāmoa.

‘O le Afioga ‘iā Tuifuisa’a ‘o se tamāli’i ‘e lē toe tau fa’ailoa lona tūlaga tautua ‘i le atunu’u ‘e ala ‘i le tūlaga tau a’oā’ga, mā ‘o se ulua’i tama’ita’i ‘ua tōfia ‘i le tōfiga lea na ‘amata mai ‘i le 2023.

Talu mai ‘ona fa’avaeina le iunivesitē ‘i le tausaga 1984, sā fa’auluulu lava ‘e le itūpā ‘o tamā ma ali’i.

‘O Polōfesa Tuifuisa’a, ‘ua loa lana tautua ‘i le iunivesitē, mā ‘e tele fo’i ona tomai ma agava’a fa’apitoa ‘auā le feagai ai ma lea fo’i matāfaioi tāua.

ATA: Government of Samoa / Facebook.