Fa’amamalu ta’iala fou mō le puipuiga ‘i le mīsela – mō tagata malaga atu ‘i Sāmoa

‘Ua tu’uina mai se lapata’iga mai le Soifua Mālōlōina ‘a Sāmoa, mō ta’iala fou, ‘ina ‘ia mulimulita’ia ‘e tagata ‘uma ‘o lo’o fuafua ‘e malaga atu ‘i Sāmoa. Na ‘amata fa’amamaluina ia ta’iala fou ‘i le aso 3 ‘o le māsina nei.

‘O lenei lapata’iga ‘o se tali mai ma se tāpenapenaga ‘a Sāmoa ‘ia malu puipuia ona tagata mai i le mīsela ‘o lo’o pepesi ‘i Niu Sila ma atunu’u tua’oi.

‘O ta’iala fou ‘e fa’amoemoe ‘e tāofi ai le ono ‘aumai ‘o le mīsela ‘i si ō tatou atunu’u.

‘O ia ta’iala ‘e aofia ai le:

• Tatau ‘i tagata malaga uma, ‘e aofia ai ma pepe ta’i 12māsina aga’i luga, ona lē itiiti ifo ma le tasi le tui puipui o el mīsela ua ‘uma ona fai. ‘Ia faia tui puipui ‘i totonu ‘o le lua vaiaso ‘ae le’i fai malaga ‘i Sāmoa.
• ‘E lē fa’amāosia nei ta’iala mō pepe e i lalo ifo ‘o le ta’i 12māsina fa’apea tinā ma’itaga.
• So’o se tagata ‘e fa’aalia ni āuga ‘o le mīsela, ‘e aofia ai le fiva, tale, mū mata, tafe le isu po’o le mageso – ‘e fautuaina ‘e tolopō faigāmalaga se’i mālosi lelei.
• So’o se tagata ‘e taunu’u ‘i Sāmoa a’o va’aia āuga ‘o le mīsela, ‘o le ‘ā faia ‘iai iloiloga ma tāofia pei ona iai tūlāfono ‘o le Soifua Mālōlōina lautele.
• ‘E matuā fa’amālosia ona tau’aveina se tusi fa’amaonia ‘ua ‘uma ona faia lou tui ‘o le mīsela.
• ‘A fa’apea fa’ato’ā alia’e āuga ‘o le mīsela i ninai aso talu ona taunu’u mai le faigā malaga ‘i Sāmoa – e tatau ‘ona fa’anofo’esea ma sā ona fealua’i.

Fa’ailoa ‘e lē ‘o lo’o ‘avea nei ma Fa’atonu Sili ‘o le Soifua Mālōlōina Tagaloa Dr Robert Thompson, ‘e le’o iai se fuafuaga ‘e loka ai le atunu’u (lockdown) ‘i le taimi nei. ‘Ae ‘e o’o iai pe ‘ā fa’apea ‘e ‘amata ona toe pepesi le mīsela ‘i Sāmoa.

ATA: Tagaloa Dr Robert Thompson (SPREP).