Auai atu le Sui Palemia i le fonotaga lona 80 a Mālō ‘Aufa’atasi

O le a taita’ia e le afioga i le Sui Palemia – Hon. Toelupe Maoiautele Poumulinuku Onesemo le usugafono a Samoa i le fonotaga lona 80 a Malo Aufa’atasi, e usuia i Niu Ioka mai le aso 21-27 o Setema 2025. O lenei tauaofiaga tele e usuia i tausaga uma i lona ofisa tutotonu i Niu Ioka.

O le usugafono a Samoa e aofia ai le afioga i le Sui Palemia, Ofisa Sili o Pulega o le Matagaluega o le Va-i-Fafo ma Fefaatauaiga – Peseta Noumea Simi, ma le Ofisa Sili Lagolago o le Matagaluega – Miriama Betham Malielegaoi. O le a auai ane foi le Amapasa o Samoa i Amerika, o ia foi o le Sui o Samoa i Malo Aufaatasi – Fatumanava-o-Upolu III Dr Pa’olelei Luteru.

A o toesea ai le afioga i le Palemia ma le Sui Palemia ma le atunuu, o le a tauaveina e le Minisita o Tupe – Susuga Mulipola Anarosa Ale Molio’o matafaioi ma tiute o le Palemia.

[OFISA O LE SO’OUPU – 22 Setema 2025]

ATA: LTA Samoa.