LISTEN

Fa’atautō le Kapeneta filifilia ma Minisitā Lagolago mo lenei 5 tausaga

by | Sep 17, 2025 | Sāmoa

I le mae’a fa’atautōina o le afioga iā La’aulialemalietoa Polāta’ivao Leuatea Polāta’ivao Fosi e avea ma Palemia o Samoa, na ia fofogaina ai mo le silafia e le atunu’u, lona auva’a filifilia mo le Kapeneta auā le sā folau o le Faigāmālō a Samoa i lenei lima tausaga mai le 2025 – 2030.

O lea auva’a filifilia, na tofia mai i Sui Mamalu o lo’o i le Vaega Fa’a’upufai o lo’o tu mālō, le Fa’atuatua i le Atua Samoa ua Tasi [F.A.S.T.].

I le saunoaga a le afioga iā La’aulialemalietoa na ia fa’amāvaevae lelei ai matāfaioi tau’ave a afioga i Faipule ua filifilia i tofiga Minisitā fa’atasi ai ma i latou o le ā avea ma Minisitā Lagolago e lalago fa’atasi i le ta’ita’iga o le Mālō mo lenei nofoā’iga.

I le fa’ailoa ai e le afioga i le Palemia o ia tofiga ua manino ai e fa’apea;

  1. La’aulialemalietoa Polāta’ivao Leuatea Polāta’ivao Fosi: Palemia o le Mālō Tuto’atasi o Samoa.

Minisitā:

  • Matāgaluega a le Palemia ma le Kapeneta
  • Matāgaluega o le Va i Fafo ma Fefa’atauā’iga
  • Matāgaluega o Leoleo, Falepuipui ma le Ola Toe Fuatā’ina
  • Ofisa o le Loia Sili
  • Ofisa o le Komisi e Toe Fuatā’ina Tulafono
  • Ofisa o le Komisi o Galuega a le Mālō
  • Ofisa Tutotonu o Fa’alavelave Tutupu Fa’afuase’i ma le Matuiā [N.E.O.C.]

Minisitā Lagolago: Vui Iiga Sione Iiga

  1. Toelupe Poumulinuku Onesemo: Sui Palemia o le Mālō Tuto’atasi o Samoa [Setema 2025 – Mati 2028]

Minisitā:

  • Matāgaluega o Galuega Tetele, Fela’uā’iga ma Atina’e ‘Ese’ese
  • Pulega o Fela’uā’iga i Luga o le Lau’ele’ele [L.T.A.]
  • Pulega o Malae Va’alele [S.A.A.]
  • Pulega o Uafu ma Taulaga [S.P.A.]
  • Pulega o Va’a a Samoa [S.S.C.]

Minisitā Lagolago: Taitu’ave Lafaitele Valo’aga Ta’aititi

  1. Mulipola Anarosa ‘Ale – Molio’o: Sui Palemia o le Mālō Tuto’atasi o Samoa [Aperila 2028 – Setema 2030]

Minisitā:

  • Matāgaluega o Tupe
  • Matāgaluega o Fa’alapotopotoga Tumā’oti a le Mālō
  • Faletupe Tutotonu o Samoa
  • S.N.P.F.
  • S.I.F.A.
  • U.T.O.S.
  • E.P.C.
  • S.W.A
  • Sui Minisitā – Matāgaluega o Tinā ma Tama’ita’i, Atina’e o Nu’u ma Agafeso’ota’i

Minisitā Lagolago: Asiata Tavu’i Tafu Salevao

  1. Aiono Dr. Alec Ekeroma

Minisitā:

  • Matāgaluega o Ā’oga ma Aganu’u
  • S.Q.A.
  • N.U.S.

Minisitā Lagolago: Leatigaga Matāfai Lauina Iiga

  1. Fesola’i Apulu Tu’igāmala

Minisitā:

  • Matāgaluega o Fa’amasinoga ma Matā’upu Tau Fa’amasinoga
  • Ofisa o le Komisi o Faigā Palota

Minisitā Lagolago: Salā Paulo Tuala Poto

  1. Agaseata Tanuvasa Valelio

Minisitā:

  • Matāgaluega o Feso’otā’iga ma Fa’amatalaga Televavave Fa’aneionpo
  • Ofisa o le Pulega Fa’atonu
  • Falemeli a Samoa

Minisitā Lagolago: Leilua Sagato Karene

  1. Masinalupe Makesi Masinalupe

Minisitā:

  • Matāgaluega o Tiute

Minisitā Lagolago: Lavea Solomona Paulo

  1. Seve Te’i Fuimaono

Minisitā:

  • Matāgaluega o Puna’oa Fa’alenatura ma le Si’osi’omaga
  • Pulega o le Tineimū ma Fa’alavelave Tutupu Fa’afuase’i

Minisitā Lagolago: Taufua Edmund Taufua

  1. Fuimaono Maiava Tito Asafo

Minisitā:

  • Matāgaluega o Fa’ato’aga ma Faigāfaiva
  • Faletupe o Atina’e a Samoa
  • Ofisa o Su’esu’ega Fa’asaienisi a Samoa [S.R.O.S.]

Minisitā Lagolago: Aiolupotea Misa Tony Aiolupo

  1. Foisala Lilo Tu’u Ioane

Minisitā:

  • Matāgaluega o ‘Ele’ele ma Fuagāfanua

Minisitā Lagolago: Tea To’oala Peato

  1. Seuāmuli Fasi Toma

Minisitā:

  • Minisitā o le Matāgaluega o Ta’aloga ma Alagā’oa mo le Soifua Fiafia o Tagata
  • Pulega o Auaunaga o Va’a a Samoa [S.S.S.]

Minisitā Lagolago: Fiu Fa’aolatane Ponifasio Vasa

  1. Moefa’auouo Julius Tafuna’i

Minisitā:

  • Matāgaluega o Tinā ma Tama’ita’i, Atina’e o Nu’u ma Agafeso’ota’i
  • Ofisa o Fuainumera Fa’amauina a Samoa [S.B.S.]
  • Fa’alapotopotoga o Fale a Samoa

Minisitā Lagolago: Tilafono David Hunter

  1. Fata Ryan Schuster

Minisitā:

  • Matāgaluega o Pisinisi, Ālamanuia ma Leipa
  • Ofisa o Galuega Fa’avaitaimi
  • Pulega o Oloa Auina atu i Fafo a Samoa [S.E.A.]
  • Pulega o Tagata Tafafao Maimoa mai Fafo [S.T.A.]
  • Samoa Airways

Minisitā Lagolago: Amituana’i Malolo Tautofi Roma

  1. Va’aaoao Salumālō Alofipo 

Minisitā:

  • Minisitā o le Matāgaluega o le Soifua Mālōlōina
  • Fa’alapotopotoga o Taui Fa’afuase’i [A.C.C.]

Minisitā Lagolago: Ale Vena Ale

  1. Pauga Talalelei Pauga

Minisitā:

  • Minisitā o le Matāgaluega o Tupe Maua
  • Ofisa Su’etusi Sili

O afioga i Faipule ua tofia i nei tofiga tāua o le Mālō, sa fili mai i totonu lava o le Vaega Fa’a’upufai ua tu mālō, le Fa’atuatua i le Atua Samoa ua Tasi [F.A.S.T.].

Tusia: Pesetā Tusiga Taofiga (Savali Newspaper)

ATA: Vaitogi Asuisui Matafeo, Pesetā Tusiga Taofiga (Savali Newspaper).