Aofia Lelei LeLā’ulu ‘i le filifiliga ‘o le fa’ailoga ‘o le Nobel Peace Prize

‘Ua aofia se tamā Sāmoa, le susuga ‘iā Lelei LeLā’ulu, ‘i le lisi ‘o i lātou ‘e filifili ai se tasi ‘e mauaina le fa’ailoga taualoa ‘o le Nobel Peace Prize.

‘O LeLā’ulu, ‘o se tagata fai pisinisi tau ‘i ātina’e, ma ‘e galue ‘i taumafaiga fai fa’atasi mō le suiga ‘o le tau, turisi, puipuiga ma le saogalēmū ‘o taumafa fa’apea ai ma mālosi’aga fa’afouina.

Na te fautuaina fa’alāpotopotoga ‘e pei ‘o le Faletupe ‘o le Lalolagi, Fa’alāpotopotoga Fa’avāomālō ‘o Tupe ma Mālō ‘Aufa’atasi, ‘e ta’ita’ifono fo’i ‘i nisi ‘o fa’alāpotopotoga fa’atūmā’oti, ‘e iai le Earth Council Alliance, lea ‘o lo’o ta’ita’ifono ai nei.

Na saunoa LeLā’ulu, na te lē’o iloa po’o ia le Sāmoa muamua po’o le tagata Pasefika ‘ua aofia ‘i le faigā filifiliga mo le Nobel Peace Price ‘o le 2025, lea ‘e aofia ai tagata ta’ito’atasi ‘e to’a 244 ma fa’alāpotopotoga ‘e 94.  ‘O le māsina ‘o ‘Oketopa ‘e tōlaulau ai ē ‘o le ‘ā manumālō ‘i lea fa’ailoga.

‘O LeLā’ulu na fanau pe na soifua a’e ‘i Sāmoa, ‘e iai ona pi’itaga ‘i alalafaga ‘o Gātaivai ma Vaovai.  Sā fa’au’u ‘i le Iunivesitē ‘o ‘Aukilani ma ‘ua aumau nei ‘i Uōsigitone.

Link to RNZ (Article) translated: https://www.rnz.co.nz/international/pacific-news/557640/samoa-s-lelei-lelaulu-nominated-for-nobel-peace-prize

ATA: SCR (file).