Maliu se tamaititi ā’oga ‘i Fiti ‘i le Dengue Fever

Na fa’alauiloa ‘e le Soifua Mālōlōina ‘a Fiti ‘i le aso ‘ananafi, le maliu ai ‘o se tamaititi ā’oga mai le fa’ama’i ‘o le Dengue Fever.

‘O lo’o fa’aauau su’esu’ega ‘a le Matāgāluea ‘o le Soifua Mālōlōina ‘i le kōlisi ‘o Xavier College, lea sā ā’oga ai lē ‘ua maliu, fa’apea le fa’amautinoaina ‘o le mamā ‘o fanua ma le fale ‘o lē ‘ua maliu mai ‘i lenei fa’ama’i ‘e fe’avea’i ‘e namu.

‘I nisi ‘o rīpoti mai ‘iā Ianuari āga’i mai ‘i le aso 23 ‘o Mati, ‘ua o’o atu ‘i le 5,128 tagata ‘ua fa’amaōnia ‘i le Dengue Fever ‘i totonu ‘o Fiti.

Na fa’alauiloa ‘e le Mālō ‘o Fiti le fa’atuputupulā’ia ‘o lea fuainūmera ‘i le taimi nei. ‘E iai le isi tamaititi mai le kōlisi lava ‘o Xavier ‘ua maliu, peita’i, ‘e lē’o le Dengue Fever le māfua’aga, ‘o lo’o faia iai su’esu’ega.

Link to RNZ (Article) translated: https://www.rnz.co.nz/international/pacific-news/557509/health-ministry-urges-public-to-destroy-mosquito-breeding-places-after-fijian-student-dies-from-dengue

ATA: SCR (file).