Āgina se fuafuaga ‘a le Mālō ‘ia lē ‘ave’esea le Manawanui mai Tafitoala, ōno ‘avea ma se mata’aga tau tūrisi

‘Ua āgina se fuafuaga ‘a le Mālō Sāmoa ‘ina ‘ia lē ‘ave’esea ai le va’a ‘o le Manawanui mai gātaifale ‘o Tafitoala, ‘ae ‘e ōno ‘avea ma se mata’aga tau tūrisi, ‘e fai ma se nofoaga ‘e māulu ai.

Na fa’ailoa ‘e le Minisita ‘o le Puipuiga ‘a Niu Sila Hon. Judith Collins, ‘i se fa’atalanoaga ma le leitiō ‘a le Waatea ‘i Niu Sila, ‘na ia fa’apea ai ‘ua iai se “fa’ai’uga ‘a le Mālō Sāmoa, ‘ina ‘ia lē ‘ave’esea le va’a ‘o le HMNZS Manawanui mai gātaifale ‘o Tafitoala, ‘ae ‘e ōno ‘avea ma se mata’aga tau tūrisi, ‘e fai ma se nofoaga ‘e māulu ai.”

Fa’ailoa ‘e Collins, ‘ua māe’a ‘ona ‘ave’esea le suāu’u sā ‘i le va’a, mā ‘e ōno ‘avea lea va’a ma se avanoa tau tūrisi, e tāfafao maimoa atu ai tagata ‘i Sāmoa.

ATA: SCR (file).