Feiloa’i atu le Tausala ‘o le Pasefika ‘i le Afioga ‘i le Tama’ita’i Pālemia

‘O le asō na feiloa’i atu ai le Tausala ‘o le Pasefika, Litara Ieremia-Allan ‘i le Afioga ‘i le Tama’ita’i Pālemia Hon Fiame Dr. Naomi Matā’afa ‘i le Maota ‘o le Mālō ‘i Matagi-Ala-Lua.

‘I lea feiloā’iga na fa’atasi atu ai le ‘Ōfisa Sili ‘o Pulega ‘o Tagata Tāfafao Maimoa mai Fafo (STA) Toleafoa Pativaine Petaia Tevita, ma le sui ‘o le Onomea Productions ‘o Seugamaalii Jaime Saena.

‘O le ulua’i feiloā’iga lea mā le Pālemia talu ‘ona fa’apaleina Litara ‘i le Tausala ‘o le Pasefika ‘i le Atu Solomona ‘i le ‘āmataga ‘o le māsina nei.

ATA: Government of Samoa / Leota Marc Membrere.