Fa’ailoa ‘e Fiti le fa’alavelave fa’alenātura ‘ona ‘o le mātūtū mai le El Niño

‘Ua fa’ailoa āloa’ia ‘e le mālō ‘o Fiti le tūlaga ‘o se fa’alavelave fa’alenātura ‘ua a’afia ai le atunu’u ‘ātoa, ‘ona ‘o le fa’aauau pea ‘o le lāmala (mugālā) ‘e māfua mai ‘i le tūlaga ‘o le tau ‘ua tā’ua ‘o le El Niño.
Na faia lea folafolaga ‘e le Kapeneta ‘e tusa ai ma se fautuaga ‘a le Pūlega mō fa’alavelave fa’alenātura ‘a le atunu’u, ma ‘o le ‘ā tu’u atu ai se mālosi’aga ‘i le mālō, ‘e fa’asilasila ai ni poloa’iga ‘e fa’amālosia, pe ‘ā tatau ‘ona ō ‘ese ma nofoaga ‘o iai, po’o ni poloa’iga fo’i mo ni vavao fa’apea ai ma tu’utu’uga mō feoa’iga ‘i le atunu’u ‘ātoa. ‘O le ‘ā aofia ai fo’i ma le fa’asoaga ‘o le suāvai fa’atasi ai ma tūlāfono mō le fa’aaogāga ‘o ‘ele’ele ‘o lo’o iai ‘i le taimi nei.
Na saunoa le Palemia Tagaloa Sitiveni Rabuka, ‘o lea ‘ua ‘i lima ‘o lana faigāmālō le pūlega ‘o vāega ‘e tali atu fa’alavelave fa’afuase’i fa’apea ai ma le fa’aaogāga ‘o punā’oa ‘a le atunu’u mō ia gāluega.
Link to RNZ Pacific (Article): https://www.rnz.co.nz/news/pacific/2660183/fiji-declares-state-of-national-disaster-over-el-nino-drought
IMAGE/ATA: Screengrab / Fiji Government
