Mati 2027 le matā’upu ‘a le Afioga ‘i le Palemia ‘e fa’asaga ‘i le ta’ita’i ‘o le itū āgai

‘Ua tu’uina atu le aso 1 Mati 2027, ‘o le ‘ā ‘āmata su’esu’eina ai matā’upu ‘e 2, ‘e fa’atautaia lea ‘e le Afioga ‘i le fa’amasino ‘iā Talasa ‘Ātoa Sa’aga. ‘O le tagi ‘a le Afioga ‘i le Palemia ‘e fa’asaga ‘i le ta’ita’i ‘o le itū āgai, na tāpenaina lea ‘e le ‘ōfisa ‘o le Lōia Sili.

‘E 7 mōliaga ‘o lo’o talosaga ai le itū tagi, ‘o le 4 ‘o mōliaga ‘o le fa’asoesā lea ‘e fa’aaogāina ai ‘upega tafa’ilagi, ma leisi 3 mōliaga ‘o le faia lea ‘o ni fa’amatalaga sesē ‘e a’afia ai le tamāli’i’aga ‘o se tagata. ‘O ia mōliaga ‘e 7, ‘o lo’o tē’ena ‘e le Afioga ‘iā Tuila’epa Sa’ilele Malielegaoi, ma ‘ua tu’u fa’atasi nei ‘e le Afioga ‘i le fa’amasino le su’esu’eina ‘o le matā’upu lenei, ma leisi fo’i matā’upu na fa’ao’o atu ‘e le Afioga ‘i le Palemia ‘iā ‘Aperila 2026, ‘o le tagi ‘e fa’asaga ‘i le ta’ita’i ‘o le itū āgai.

‘E le’i ‘auai le Afioga ‘iā Tuila’epa ‘i le vala’auga ‘o le matā’upu ‘i lenei vaiaso, ‘ona ‘o lo’o malaga ‘i Niu Sila mo ana siaki fa’afōma’i.

IMAGE/ATA: Government of Samoa Facebook