$137.2 miliona le tupe maua ‘a le Matāgaluega ‘o Tiute ‘i le Kuata 1 ‘o le Tausaga Fa’ale-tupe 2026/2027

‘O le pepa ‘o fa’amatalaga mai le Matāgaluega ‘a le Palemia ma le Kapeneta ‘i le rīpoti fa’ale-kuata, ‘a le Matāgaluega ‘o Tiute mō le Kuata 1 2026-2027. ‘Ua fa’amauina ai le $126.1 miliona ‘o le sēleni fuafuaina ‘e tatau ‘ona aoina ‘i totonu ‘o le Kuata 1 ‘o lenei tausaga fa’ale-tupe. Peita’i, ‘ua fa’aalia le si’itia maualuga ‘i le $137.2 miliona le sēleni na o’o atu ‘iai le aoina mai.

‘Ua manino ‘i rīpoti le ‘ese’esega ‘e $11.1 miliona, tusa lea ‘o le 8.8%, le tupe ‘ua fa’asili fua ‘i le sēleni sā fuafuaina ma le sēleni maua lea ‘ua māe’a ‘ona aoina mai ‘e le Matāgaluega ‘o le Tiute.

‘Ua fa’ailoa ‘e le pepa ‘o fa’amatalaga mai le mālō, ‘o fua va’aia lea ‘o le lelei ma le mautū pea ‘o le tamao’āiga ‘o le atunu’u ‘i le taimi lenei ma le āga’i atu ‘i le lumana’i.

IMAGE/ATA: Government of Samoa Facebook