Faia su’esu’ega ‘a leoleo ‘i le maua ai ‘o le tino maliu ‘o se tamā ‘i Vaiala

‘Ua tu’uina atu ‘e le Sui Komesina ‘o le Matāgaluega ‘o Leoleo, Leiātaua Samuelu ‘Afamasaga, le tino maliu ‘o se tamā na maua ‘i le aoauli ‘o le aso Sā ‘i le fa’ai’uga ‘o le vaiaso, na fa’atino ‘iai se ta’otoga fa’apitoa mo su’esu’ega ‘o maliu lilo, ‘e tau sa’ili ai le māfua’aga ‘o le maliu.

‘O le matā’upu lenei, ‘o se tāfaoga ta’amilo māsani ‘a nisi ‘i le aso Sā ‘i le matāfaga ‘i Vaiala, ‘ae tau atu ai ‘o ōpeopea le tino maliu ‘o se tamā ‘i le faga oneone ‘o lo’o manu mai ‘i le pito ‘i tai ‘o le āfio’aga ‘o Vaiala, ‘o se faga oneone na tupu mai ‘i le taimi ‘o le afā ‘o ‘Ēveni.

‘E le’o māua po’o le ā le ‘umi na maliu ai le tamā ma ōpeopea ai lona tino ‘i le sami, ma ‘o lo’o āga’i ai su’esu’ega fa’aauau ‘a leoleo.

IMAGE/ATA: Murray Faivalu / SCR