‘Ave ‘e se fōma’i tipitipi mai fafo ona tomai ‘i Sāmoa

‘E tele ta’otoga ‘e faia ‘e le fōma’i tipitipi iā Dr Stephen Adams ‘i le falema’i ‘i Waikato ‘i vaiaso ta’itaso. Peita’i, ‘ina ua malaga ‘i Sāmoa, na ia feiloa’i ai ‘i fānau ua leva ona fa’atali ni ō lātou ta’otoga. ‘O Adams o le fa’auluuluga ‘o le vāega ‘o le falema’i i Waikato mō ta’otoga o tamaiti, na malaga ‘i Apia iā Iuni o le tausaga nei, fa’atasi ai le to’aono mai le Royal Australasian College of Surgeons.

‘I totonu o aso e lima na o lātou faia ai su’esu’ega fa’afōma’i mō le silia ma le to’a 50 o tamaiti, ma faia ta’otoga mō tamaiti ‘e to’a 26 ‘i Sāmoa. ‘O nisi ‘o nei ta’otoga na ia faia i Sāmoa, ua māsani ai Adams, peita’i, ‘i Sāmoa, sa matuā ‘ese lave le tāua iā te ia ona ‘o le tele a’afiaga, mai le ‘umi ona fa’atalitali tamaiti mō togafitiga.

Ua tele tausaga ‘o mana’o ma naunau Adams ‘e ‘āuai ‘i polokalame mō ta’otoga ‘e fesoasoani ai ‘i atunu’u o le Pasefika. ‘Ina ua lē mafai ona ‘āuai sē tasi o fōma’i i le malaga ‘i Sāmoa, sā maua ai loa le avanoa o Adams ‘e nate ta’ita’iina ai le ‘aumalaga. ‘E to’aono ‘i lātou, ‘e aofia ai fōma’i tipitipi se to’alua, tausi soifua e to’alua ma isi fōma’i ‘e to’alua. ‘O lea malaga ‘o se polokalame fa’aletausaga ‘a le RACS, lea ‘e tu’uina atu ai fesoasoani ma tomai fa’apitoa tau ‘i ta’otoga ‘i atunu’u ‘ese’ese o le Pasefika.

Link to NewstalkZB (Article): https://www.newstalkzb.co.nz/news/health/waikato-surgeon-stephen-adams-takes-specialist-skills-to-samoa/

IMAGE/ATA: Dr Stephen Adams in surgery. Supplied / NewstalkZB