‘Ua iai popōlega i le ‘au fai tōfā ‘o le Kānesa, ‘ona ‘o ni fa’asalalauga ‘a tagata ia e tete’e i kulimi ‘e puipui mai ai le pa’u mai le lā po’o sunscreens, lea ‘o lo’o fa’asalalau ā lātou fa’asalalauga lē sa’o ma le naunauta’iga e mulimulita’i ai tagata ‘i luga o ‘upega o feso’ota’iga.

‘O lo’o va’aia luga ‘o le Tik Tok ma le Instagram ata po’o videos, o lo’o fautuaina ai tagata ‘e ‘aua ne’i fa’aaogāina sunscreens i le lā. ‘O lo’o fa’asalalauina ‘o kulimi ia ‘e lē lelei, ma ‘e tāofia ai penefiti ‘o le pa’u mai le lā.

Na līpotia e le Checkpoints e fa’apea o videos ia, ‘e o’o atu ‘i le ‘afa mīliona tagata matamata ma fa’asoa ata on aua talitonu iai. ‘O lo’o fautuaina e le Soifua Mālōlōina tagata ‘ia ‘alo ‘ese mai ma ‘aua ne’i talitonuina ia ata ma fa’amatalaga sesē. ‘O le tausaga fa’aletupe ua tuana’i atu, ‘e silia ma le $300,000 le tupe na fa’amatu’u atu e le Te Whatu Ora, ‘e faia ai fa’alauiloa mō le Sosaiete o le Kānesa. 

Link to RNZ (Article) written by Bella Craig of RNZ: https://www.rnz.co.nz/news/health/621244/anti-sunscreen-social-media-trend-has-skin-cancer-experts-worried

IMAGE/ATA: RNZ / Rebekah Parsons-King

‘Ua toe fa’atafe fo’i suāvai leaga mai le nofoaga ‘autū ‘i Moa Point, ‘e lata ‘i matāfaga ‘i le itū ‘i saute ‘o Uēligitone ‘ona ‘o timuga tetele.  Na ‘āmata faia lea gāluega mai le 8 ‘i le taeao ananafi.  Na pamu atu le suāvai leaga ‘e le’i fa’amamāina pe tusa ma le tasi le kilomita ‘i le Tarakena Bay.

Sa fautuaina tagata ‘uma ‘ina ‘ia taumamao ‘ese mai ma le sami ‘i le vā ‘o Ōwhiro Bay ma Breaker Bay mō le isi 48 ītūlā.  Na fa’ailoa talu ai, nei, ‘e tusa ma le $25 piliona ‘e fa’atupeina ai gāluega ‘e toe fa’aleleia ai le tūlaga fa’alētonu ‘o vai ‘a Uēligitone ‘i le isi 30 tausaga ‘o lumana’i ‘ina ‘ia mafai ‘ona lelei le suāva’i ‘e fa’asoaina atu ma tausia ai le mamā ‘o talafātai fa’apea ma matāfaga pei ‘ona fa’ailoa ‘e le fa’alāpotopotoga fou lea ‘ua tu’uina atu ‘i ai le pūlega ‘o suāvai, ‘o le Tiaki Wai.

Link to RNZ (Article): https://www.rnz.co.nz/news/regional/620505/sewage-discharging-into-wellington-coastal-waters-again

IMAGE/ATA: RNZ 

‘E o’o mai i le tāeao nei ‘ua tele malaga a va’alele ua fa’alēaogāina ‘i Uēligitone ona o uiga loulouā o le tau, ‘i matagi mālolosi ma tīmuga mamafa. Na līpotia le tele o lā’au pa’u’ū ma le motusia o le ‘eletise ‘ivāega o le atunu’u mai lava i le pō anapō.

‘E silia ma le 154 kilomita ‘i le itūlā le mālolosi o matagi ‘i Uēligitone mai i le pō anapō. ‘O lo’o valo’ia e le Ofisa o vā’ai tau le fa’atetele ‘o matagi mālolosi ‘i le taeao nei fa’asolo atu i le afiafi ā nānei i le laumua, ma ‘ua līpotia ua iai nisi o ā’oga ua tāpunia i le asō.

‘Ua tāofia ‘uma feoa’ia a va’alele ‘e ō ‘ese atu ma malaga e aga’i mai ‘i Uēligitone i le asō. Tāofia fo’i feoa’iga a va’a.

Link to RNZ (Article): https://www.rnz.co.nz/news/weather/622241/weather-live-flights-cancelled-trees-downed-and-roofs-damaged-by-strong-winds-around-country

IMAGE/ATA: RNZ / Jeremy Rees

‘Ua fa’ailoa atu ‘i le atunu’u ‘e le ‘Ōfisa Vā’aitau ni lapata’iga ‘o savili mālolosi mō Uēligitone, sasa’e ‘i Seddon ‘i Marlborough fa’apea ma le Marlborough Sounds ‘āmata mai le ītūlā ‘e 8 ‘i le pō ā nānei, fa’apea lapata’iga mō lā’au ma pou ‘eletise ‘o le ‘ā fa’aleagaina, fa’atasi ai ma nisi meatōtino ‘e le’o lelei ‘ona fa’amaumau.

‘O le taimi nei lea ‘ua a’afia talāfātai ‘i saute ‘o Uēligitone ma Wairarapa ‘i lapata’iga ‘o galu maualuluga.  ‘E iai nisi ‘o malaga ‘a va’a ‘o le Interislander ma le Bluebridge ‘ua lē fa’ataunu’uina ‘i le asō ma le Aso Faraile fa’apea ai ma le Aso To’ona’i.   Na tā’ua ‘e le MetService, ‘e o’o atu ‘i le 6 mita le maualuluga ‘o galu ‘e ono fafati ‘i le taeao ‘o le Aso Faraile ma ono o’o atu lava ‘i le fitu mita le maualuluga. 

Peita’i, na fa’aalia ‘e le Pūlega ‘o le Puipuiga Lautele ma Fa’alavelave Fa’afuase’i ‘a Uēligitone, ‘o le maualuluga ‘o galu, ‘e lē’o tutusa ma le tūlaga lea na a’afia ai le ‘a’ai ‘i nai vaiaso ‘ua tuana’i atu, ma ‘e ono lēai fo’i se fuafuaga ‘e fa’amālosia ai nisi ‘e ō ‘ese mai o lātou fale. 

‘O le fautuaga ‘a le Lālā ‘o Fela’ua’iga ‘i ‘aveta’avale ‘ina ‘ia fa’aeteete ‘i taimi ‘o feoa’iga, ma ‘e tatau fo’i ‘i ‘aveta’avale ‘ona nofo sāuni mō taimi ‘e mālolosi ai savili ‘aemaise ‘o ta’avale maualuluga ‘e pei ‘o vans, loli ma campervans, fa’apea fo’i ‘i uila afi. 

Link to RNZ (Article): https://www.rnz.co.nz/news/weather/620342/high-winds-and-heavy-swells-in-lower-north-upper-south-islands

IMAGE/ATA: RNZ / Samuel Rillstone

‘Ua talosaga leoleo ‘i Uēligitone fa’apea le kamupanī ‘a le Kiwirail ‘i le atunu’u, ‘ina ‘ia lipoti atu ni gaoiga ‘o u’amea po’o meafaigāluega ‘o lo’o fa’aaogāina ‘i ‘auala ‘o nofoāafi lea ‘e iai le copper.  Na saunoa le pule sili ‘o le Wellington Metro, Andy Lyon, ‘o se fa’afītāuli telē tele, ‘ona ‘o lo’o gau ai tupe ‘e tele ‘a le Kiwirail fa’apea fo’i le atunu’u.

‘E gaoi ‘e tagata ni fa’ailoilo, uaea, ‘o vāega ‘uma ‘e tāua mō feoā’iga ‘a nofoāafi.  ‘E matuā lamatia lava ola ‘o le ‘au gāoi ‘i lo lātou gaoiina ‘o ia uaea ola.

‘O le māsina ‘o ‘Aperila, ‘e fa’aono ‘ona lē fa’ataunu’uina ni ‘au’aunaga ‘i le Hutt Valley ‘a nofoāafi, ma le silia ma le 50 ‘o ‘au’aunaga na fa’atuai ‘ona ‘o uaea ma u’amea ia na gaoia ‘e tusa ai ma līpoti ‘a le Radio NZ.

‘O Wairarapa, pe tusa ma le lima kilomita le mamao ‘e o’o iai uaea ia na gaoia ‘i le 6 māsina talu ai, ma na fa’aalia ‘e le Kiwirail, ‘e ui ‘e maualalalo tau ‘o ia u’amea ma uaea ‘e iai le copper, peita’i, ‘e faitau afe tupe ‘e fa’aaluina ‘i le tasuiga ‘o ia uaea. 

Na fa’aalia ‘e leoleo, ‘a iai nisi lātou te masalomiaina ni gāioiga fa’apea ‘o tutupu lava ‘i lea taimi, ‘ia vave ‘ona vala’au ‘i le nūmera 111, po’o le vala’au ‘i le 105 pe ‘ā fai ‘o se gaoiga ‘ua māe’a ‘ona tupu.

Link to RNZ (Article): https://www.rnz.co.nz/news/regions/616990/wellington-sees-a-surge-of-rail-equipment-theft

IMAGE/ATA: RNZ / Krystal Gibbens

‘E 5 maka ‘ua pa’ū ai le lagolago mō le Labour ‘i le sā’iliga ‘o finagalo ‘a le Verian poll ‘a le 1News peita’i ‘o lo’o mafai lava ‘ona fau se faigāmālō so’ofa’atasi ma le Greens ma le Te Pati Māori, ‘i nofoa ‘e 64. 

Pa’ū la’itiiti le National, mā ‘o se lagolago pito sili lea ‘ona maualalo mō vāega fa’a’upufai talu mai le faigāpālota muamua ‘o le MMP ‘i le 1996, ‘ae ‘o le lagolago pito maualalo fo’i lea ‘i lalo o le ta’ita’iga ‘a Christopher Luxon.  Labour 32 pasene, 5 ‘ua pa’ū ai, National 29 pasene, 1 ‘ua pa’ū ai, Greens 13 pasene, 2 ‘ua si’itia ai, NZ First 11 pasene, 1 ‘ua si’itia ai, Act 6 pasene, 1 ‘ua pa’ū ai ma le Te Pati Māori ‘e 1.8 pasene, 0.3 pasene ‘ua si’itia ai.

Sui faiple ‘e pito lilifa ‘i ai le lagolago ‘e ‘avea ma palemia:

• Christopher Luxon: 18 percent – up 2 points
• Chris Hipkins: 16 percent – down 3 points
• Winston Peters: 10 percent, down 2
• Chlöe Swarbrick: 6 percent, steady
• David Seymour: 4 percent, steady
• Chris Bishop: 1 percent, down 1

Link to RNZ (Article): https://www.rnz.co.nz/news/politics/617657/left-bloc-leads-in-latest-poll-despite-labour-slump

IMAGE/ATA: RNZ

‘O lea ‘ua folafola mai ‘e le Ta’ita’i ‘o le Labour ‘iā Chris Hipkins, ‘e lēai se suiga ‘e faia ‘i le fa’atulagana ‘o lo’o iai nei ‘o le supa, pe ‘afai ‘e tūla’i mai ‘i latou ‘i le pālota tele ‘iā Nōvema.

‘O lea saunoaga mai le Ta’ita’i ‘o le Itū Agai, ‘ua tu’uina mai ‘i le taimi ‘o le mau folafolaga ‘ua fa’ailoa mai nei ‘a le patī ‘o le National, ‘e uiga ‘i suiga ‘ua mānana’o ‘e fai ‘i le KiwiSaver, ‘atoa ma le taimi ‘e tatau ‘ona mālōlō lītaea ai tagata faigaluega.

‘E pei ‘ona silafia, ‘o le fono ‘a le patī ‘a le National ‘i le fa’ai’uga ‘o le vaiaso talu ai, lea na fa’ailoa mai ai le fuafuaga ‘a lea patī tele, mō ni ā latou suiga tetele ‘e fia faia ‘i le KiwiSaver, ‘e aofia ai le fa’amālosia lea mō tagata faigaluega ‘uma ‘atoa ai ma se vāegatupe ‘e $1500 mō pepe fou ‘uma ‘e fānanau mai, ‘e amata ai ā latou teugātupe ‘i le KiwiSaver.

Link to RNZ (Article) written by Russell Palmer of RNZ: https://www.rnz.co.nz/news/political/616378/labour-rules-out-changing-superannuation-settings-if-elected

IMAGE/ATA: RNZ / Louis Dunham